Winter School on Social Rights

 

On 20-23 February 2023, Law and Public Policy Center organized a Winter School on Social Rights with the support of the Open Society Georgia Foundation.

16 students from 10 Georgian universities, selected based on open competition, participated in the Winter School.

Founder and Director of Law and Public Policy Center, Ketevan Kukava welcomed the students: “Our Winter School aims to create an environment where you can meet like-minded students from different universities, deepen your knowledge, engage in discussions, and express your opinions freely. I hope you will use gained knowledge effectively in the future and will promote human rights protection in our country."

The representative of the Public Defender’s Office – Beka Javakhadze and Human Rights Lawyer – Lela Gvishiani presented international standards, national legislation and policy, and existing challenges in Georgia. The program also included practical components. Based on the gained knowledge, students examined and analyzed specific cases related to adequate housing. They also participated in a simulated meeting of the inter-agency commission and discussed how to solve existing problems.

Law and Public Policy Center will continue organizing similar events on various topical issues in the future.

სოციალური უფლებების ზამთრის სკოლა

2023 წლის 20-23 თებერვალს „სამართლისა და საჯარო პოლიტიკის ცენტრის“ ორგანიზებით და საქართველოს ღია საზოგადოების ფონდის მხარდაჭერით სოციალური უფლებების ზამთრის სკოლა გაიმართა.

ზამთრის სკოლაში მონაწილეობდა ღია კონკურსის საფუძველზე შერჩეული 16 სტუდენტი საქართველოს 10 უნივერსიტეტიდან.

მონაწილეებს მისასალმებელი სიტყვით მიმართა სამართლისა და საჯარო პოლიტიკის ცენტრის დამფუძნებელმა და დირექტორმა, ქეთევან კუკავამ: „ჩვენი ზამთრის სკოლის მიზანია შევქმნათ ისეთი გარემო, სადაც გაიცნობთ თანამოაზრეებს სხვადასხვა უნივერსიტეტიდან, გაიღრმავებთ ცოდნას, ჩაერთვებით დისკუსიებში და თავისუფლად გამოხატავთ თქვენს აზრებსა და შეხედულებებს. იმედი მაქვს, მიღებულ ცოდნას ეფექტურად გამოიყენებთ მომავალში და ხელს შეუწყობთ ადამიანის უფლებების დაცვას ჩვენს ქვეყანაში.“

პროექტის ფარგლებში, სახალხო დამცველის აპარატის წარმომადგენელმა - ბექა ჯავახაძემ და ადამიანის უფლებების იურისტმა - ლელა გვიშიანმა სტუდენტებს საერთაშორისო სტანდარტები, ეროვნული კანონმდებლობა  და პოლიტიკა, ასევე საქართველოში არსებული გამოწვევები გააცნეს. პროგრამა ასევე მოიცავდა პრაქტიკულ კომპონენტებსაც. მიღებული ცოდნის საფუძველზე, სტუდენტებმა სათანადო საცხოვრებლის უფლებასთან დაკავშირებული კონკრეტული შემთხვევები შეისწავლეს და გააანალიზეს, ასევე მონაწილეობა მიიღეს უწყებათაშორისი კომისიის სიმულაციურ სხდომაში, სადაც არსებული პრობლემების გადაჭრის გზები განიხილეს.

სამართლისა და საჯარო პოლიტიკის ცენტრი მომავალშიც გააგრძელებს მსგავსი ღონისძიებების ორგანიზებას სხვადასხვა აქტუალურ საკითხზე.

სოციალური უფლებების ზამთრის სკოლა 2023

„სამართლისა და საჯარო პოლიტიკის ცენტრი“ აცხადებს კონკურსს სტუდენტებისთვის სოციალური უფლებების ზამთრის სკოლაში მონაწილეობის მისაღებად.

ზამთრის სკოლის ფარგლებში განხილული იქნება სათანადო საცხოვრისის უფლებასთან დაკავშირებული საერთაშორისო სტანდარტები, ასევე საქართველოში არსებული კანონმდებლობა, პრაქტიკა და გამოწვევები. პროგრამა მოიცავს როგორც თეორიულ, ისე პრაქტიკულ კომპონენტებს.

ზამთრის სკოლა ჩატარდება 2023 წლის 20-23 თებერვალს სასტუმრო „ბორჯომი ლიკანში.“  პროექტი სრულად ფარავს ზამთრის სკოლაში მონაწილეობის ხარჯებს.

კონკურსში მონაწილეობა შეუძლიათ საქართველოს უმაღლესი საგანმანათლებლო დაწესებულებების იურიდიული, ასევე სოციალურ და პოლიტიკურ მეცნიერებათა ფაკულტეტის ბაკალავრიატის მე-2, მე-3 და მე-4 კურსის და სამაგისტრო საფეხურის სტუდენტებს.

დაინტერესებულმა სტუდენტებმა, გთხოვთ, გამოგზავნოთ CV და სამოტივაციო წერილი (არა უმეტეს 500 სიტყვა) 2023 წლის 26 იანვრამდე შემდეგ ელ. ფოსტაზე: Lppc.winterschool@gmail.com გთხოვთ, სამოტივაციო წერილში ასევე მიუთითოთ ის კონკრეტული საკითხები/გამოწვევები, რომელიც თქვენი განსაკუთრებული ინტერესის საგანია.

ზამთრის სკოლა ტარდება ღია საზოგადოების ფონდის მხარდაჭერით.

 

ზამთრის სკოლის მომხსენებლები:

მარიამ ჯანიაშვილი - მარიამი არის ადამიანის უფლებათა იურისტი მუშაობის 10 წელზე მეტი გამოცდილებით. იგი 2018 წლიდან სოციალური სამართლიანობის ცენტრში მუშაობს პროექტების კოორდინატორის/მკვლევარ-იურისტის პოზიციაზე და მისი საქმიანობის ძირითად ფოკუსს სოციალური პოლიტიკა, სიღარიბესთან ბრძოლა, უსახლკარობისა და სათანადო საცხოვრისის საკითხები, ასევე, შშმ პირთა უფლებები და ფსიქიკური ჯანმრთელობის პოლიტიკა წარმოადგენს. სოციალური სამართლიანობის ცენტრის გარდა, მას აქვს საქართველოს სახალხო დამცველის აპარატსა და საქართველოს იუსტიციის სამინისტროში მუშაობის გამოცდილება.

2013 წელს მან მიიღო საერთაშორისო სამართლის ბაკალავრის, ხოლო 2015 წელს საერთაშორისო სამართლის მაგისტრის ხარისხი ივანე ჯავახიშვილის სახელობის თბილისის სახელმწიფო უნივერსიტეტში. ამჟამად, ამავე უნივერსიტეტის დოქტორანტურის საფეხურის სტუდენტია. არის სოციალურ პოლიტიკასა და სხვადასხვა მოწყვლადი ჯგუფის უფლებებთან დაკავშირებით 20-ზე მეტი პუბლიკაციის ავტორი.

ბექა ჯავახაძე - ბექას აქვს ადამიანის უფლებების დაცვის მიმართულებით საქმიანობის მრავალწლიანი გამოცდილება. იგი 2011 წლიდან დასაქმებულია საქართველოს სახალხო დამცველის აპარატში, ამჟამად სამოქალაქო, პოლიტიკური, ეკონომიკური, სოციალური და კულტურული უფლებების დაცვის დეპარტამენტის მთავარი სპეციალისტის პოზიციაზე. სახალხო დამცველის ინსტიტუტში მის ერთ-ერთ საკურატორო სფეროს წარმოადგენს უსახლკარო პირთა სათანადო საცხოვრებლის უფლების რეალიზაციის საკითხის კვლევა. ამ მიზნით ის სწავლობს და აფასებს უსახლკარობის სფეროში განხორციელებული საკანონმდებლო ცვლილებებს, ინდივიდუალურ ან/და კოლექტიურ განცხადებებს, მონაწილეობას იღებს ცენტრალური თუ ადგილობრივი აღმასრულებელი ხელისუფლების, აგრეთვე საკანონმდებლო ორგანოს მიერ ორგანიზებულ შეხვედრებში, ამზადებს საქართველოს სახალხო დამცველის წლიური საპარლამენტო ანგარიშის შესაბამის თავს.

2009 წელს მან მიიღო სამართალმცოდნეობის ბაკალავრის ხარისხი გურამ თავართქილაძის თბილისის სახელმწიფო უნივერსიტეტში, ხოლო 2013 წელს საერთაშორისო სამართლის მაგისტრის ხარისხი საქართველოს საზოგადოებრივ საქმეთა ინსტიტუტში.